شاطر

الأحد نوفمبر 23, 2014 8:05 pm
المشاركة رقم:
المعلومات
الكاتب:
اللقب:
الرتبه:
الصورة الرمزية


البيانات
عدد المساهمات : 35
نقاط : 69
السٌّمعَة : 1
تاريخ التسجيل : 14/11/2014
التوقيت

الإتصالات
الحالة:
وسائل الإتصال:

مُساهمةموضوع: HSBC ExaM




HSBC ExaM







كثرت جدا الاسئلة الخاصة بامتحان HSBC اللى هو ال admission test خاصة ان البنك كل فترة يتصل او يبعت ايميلات للناس اللى قدمت .. طيب هى الناس قدمت ازاى ؟ .. طيب الامتحان ده عبارة عن ايه ؟ .. طيب ...... ؟ و هكذا
الموضوع هنا بأذن الله هيغطى كل الاسئلة اللى بتتسأل دايما بخصوص امتحان HSBC بس لاحظوا انى سوف اغطى فقط المرحلة من التقديم حتى الامتحان لأن دى بس المرحلة اللى اقدراقولك فيها معلومات.
الموضوع اغلبه من تجربتى الشخصية .. لكن هجيب اجزاء كتير منقولة من مشاركات اعضاء اخرين فى كذا موضوع سابق .. عشان اوفر عليك انك تدور فى ميت موضوع .. و حق الملكية الفكرية محفوظ للأعضاء دول لأنى هقول اسمهم بجانب الكلام اللى قالوه.
يللا بينا نبدأ
اقدم ازاى فى البنك؟
ابعت الcv على لايميل ده recruitmentegypt@hsbc.com و يكون عندك شوية صبر
يعنى مش تبعت النهاردة و تقعد مستنى التليفون يرن يقولولك تعالى بكرة لأ
ابعت كتير مرة يوميا او اسبوعيا حسب انت فاضى و لا ايه ظروفك

هيردوا عليا بعد قد ايه ؟
لسة بتسأل السؤال ده؟ مش اتفقنا تخلى عندك شوية صبر؟
بص اصل انت و حظك هيتصلوا بعد قد ايه .. محدش يقدر يحدد بالظبط
ممكن شهر ممكن اسبوع ممكن سنة .. حسب نصيبك .. ما انت كمان لازم تكون بتقدم فى اماكن تانية مش قاعد مستنى البنك ده و بس.

طيب اعرف منين انهم طالبين ناس؟ هما طالبين ناس دلوقتى؟
مش هتعرف .. انت قدم على الميل و لما يحتاجو ناس هيشوفو السيفيهات

طيب انت الحمد لله قدمت كتير و حصل اليوم التاريخى اللى البنك رد عليك اخيرا .. البنك هيكلمك ازاى ؟
ممكن البنك يكلمك على الموبايل يقولك انت فلان؟ هتقول ايوة و ممكن ساعتها تبقى صاحى من النوم مش مركز
هتقولك انا فلانة من HSBC ساعتها بقى عنيك لازم تفتح كدا و تركز فى الكلام اللى هيتقال
انت قدمت السى فى و عندك امتحان يوم كذا .. احفظ اليوم كويس عشان مترجعش تسألها يوم ايه و بتاع
هتقولك هات ورقة و قلم اكتب معايا شوية details .. هات ورقة متعملش نفسك الواد ابو ذاكرة قوية
ايه الحاجات اللى هتكتبها فى الورقة .. معاد الامتحان يوم كذا الساعة كذا .. تجيب معاك صورة من شهادة التخرج .. ص من البطاقة.. ص شخصية .. ص من الموقف من التجنيد للشباب .. كوبى من السى فى
و هتقولك العنوان .. 306 كورنيش النيل المعادى بعد مستشفى النيل البدراوى
ده بالنسبة للتليفون .. لازم تتاكد انك عرفت كل المعلومات اللى انت عايز تعرفها فى التليفون عشان لو اتصلت تانى بالرقم ده مش هيرد عليك .. خد بالك من دى.
اما لو متصلوش .. ممكن يبعتولك ايميل .. يقولولك نفس التفاصيل اللى فوق فى .. عشان كدا دايما افتح الميل اللى بتبعت منو ال cv و لاحظ حاجة مهمة جدااااا .. الايميل هيقولك انك لازم عشان تيجى الامتحان تكون جايب جيد .. التزم جدا بالنقطة دى .. بلاش و النبى تبقى جايب مقبول و تروح عشان مش هيوافقوا .. طيب افرض مثلا انت جايب مقبول و برضو جالك الميل ده ؟ متروحش قلنا .. طيب هما بعتوا ليه ؟ اكيد يعنى ميعرفوش انك جايب مقبول و بيبعتوا عشوائى.

اوباااااااا .. انا مش من القاهرة .. هوصل للعنوان ده ازاى؟
انا هقولك انا رحت ازاى .. انا مش من القاهرة .. السوبر جيت وصلنى التحرير .. اخدت تاكسى .. كان عايز ياخد 25 جنيه لما عرف ان انا مش من القاهرة .. المهم فاصلت معاه قلت له 15 بس و ألا تنزلنى .. اصل انا كنت فكراه تاكسى العاصمة ابو عداد عشان كدا لما مشوفتش العداد فاصلت بقا هههههههههه يا رب ميكونش الراجل كدا ضحك عليا ..... ما علينا مش هخرج كتير عن الموضوع.
هتلاقى برضو مواصلات بتروح المعادى .. ممكن تركبها و تسأله بتعدى على النيل البدراوى ؟
اما تيجى المستشفى متعملش زيى و تنزل قدامها .. لأ .. استعد و بص ناحية الشمال .. بعد المستشفى بحاجة بسيطة هتلاقى البنك
النقطة دى لو مش واضحة او لو انت عايز توصل من مكان تانى غير التحرير .. ممكن اعضاءنا القاهريين يفيدوك اكتر منى فيها ..

طيب اروح لابس فورمال و لا كاجوال؟
هما الاتنين مفيش مشاكل .. لأن ده مش انترفيو .. لكن ليه تروح كاجوال؟ ما تلبس كلاسيك .. مش لازم بدلة يعنى .. بس قميص و بنطلون كلاسيك يبقى لذيذ .. طيب انا بنت .. البس ايه؟ برضو اى حاجة .. ممكن برضو شميز على بنطلون روجادا يبقى تمام.

انا دخلت المبنى بتاع البنك .. اكلم مين؟
هتلاقى الاستقبال على ايدك الشمال .. هتقول للبنت انا عندى امتحان .. هتقولك هات بطاقتك .. و هتقولك استنى فى ال waiting و خد بالك روح فى معادك .. اوعى تتاخر .. و لو جاى من سفر .. مفيش مانع لو جيت ساعة بدرى .. اهو احسن من التاخير
و بعدين
فى معاد الامتحان هييجى موظف شيك و مؤدب يقولك انت و زمايلك تتفضلوا فى room فيها computers هتقعد على واحد منهم
طلع الورق اللى انت جبته معاك حطه على ال desk .. يا ريت ميكونش مبهدل .. عشان الimage بتاعتك مش اكتر.
نيجى بقا للامتحان نفسه .... البعبع اللى الناس كلها بتقول عليه تعجيزى ... الامتحان مش مستحيل يا جماعة ... ممكن يكون تقيل حبة .. محتاج تركيز .. و سرعة فى الاجابة ... لكن ده طبيعى ... احنا ناس كبار و اتخرجنا خلاص ... مش مفروض نتوقع انه يكون امتحان عبيط من بتاع اولى ابتدائى ... و مش لازم تكون داخل عارف الاسئلة اللى جاية ... ليه؟ عشان حضرتك عندك Brain تستخدمه لو لقيت السؤال اول مرة تشوفو ... هتفكر تحله ازاى ... و هتلاقى الحل ... لكن انت لو داخل حافظ شوية الاسئلة اللى انا هجيبها احطها فى المرفقات ... و مش مستعد لحاجة غير كدا ... يبقى انت مش صح ... و مش هتلاقى الحل عشان حطيت لنفسك mental block

الامتحان عبارة عن ايه؟
الجزء الاول:
Application فيها بيانات كتيييييييييييييييييير عنك فى 6 صفحات فى مدة ساعة .. خد معاك قلم عشان تملى بيه الapp
ده شرح تفصيلى شاركنا بيه العضو و المشرف ahlamasr بيعرض لك تفاصيل الapplication
اول صفحة فيها اسمك وتاريخ ميلادك ورقم بطاقتك ووظيفة الاب ووظيفة الام ومين اقربواحد ممكن نرجعله فى حالة الطوراىء وشوية حاجات تانية كدة
تانى صفحة بيسالك عندراستك الابتدائية والاعدادية والجامعية وتاريخ الحصول على كل شهادة منهم والتقديرفى كل شهادة
وتحت بيقولك اكتبلى اسم شخصين يكونوا الريفرنس بتاعك وارقامتليفوناتهم ووظيفتهم
الصفحة التالته بيسال عن خبراتك العملية والتدريبات زىالتدريب فى بنك مثلا وتحت فى كام سؤال كدة عن هل اتقدمت لHSBC قبل كدة ولا لا وليةعاوز تلتحق بالبنك ولو انت شغال حاليا قد اية وقت يكفيك علشان تخلى طرفك من الشغلالاصلى
و مستر حسن قال اهم حاجة عندى اول تلت ورقات وماتركزش على الباقى قوىولكن لازم تكتب فيهم لو تعرف....................
الصفحة الرابعه بيسالك على ايةالموقف اللى توليت فية قيادة فريق واية المشاكل اللى واجهت وازاى حليتها
وتحت فىسؤال بيقولك اية افضل انجاز حققته فى حياتك واية المشكلة اللى واجهتك وانت بتحققهوازاى استخدمت مهاراتك فى تحقيق الانجاز دة
وكمان سؤال شبة اللى فوق بس عاوزموقف تانى من الحياه
الورقة الخامسة شبه الرابعه وما تفرقش كتير
الورقةالسادسة ومطلوب منك توقع انك تتحمل مسؤليه ما ذكرته من بيانات فى كل صفحة من صفحاتالابلكيش وتوقع وتكتب تاريخ اليوموبس

انا هضيف حاجة بسيطة .. الاسئلة بتاعت احكى موقف كنت قائد فيه .. موقف كان حد ليه وجهة نظر مخالفة ليك و قدرت تقنعه بوجهة نظرك ... و هكذا .. لازم تبقى كلمنجى .. سورى فى الكلمة لو local شوية بس هى دى الحقيقة .. متسيبش السطور فاضية .. احكى اى موقف و لو بسيط .. خليك متكلم

الجزء الثانى:
المدة: ساعة
Aptitude test عبارة عن ايه يعنى؟ تشكيلة كدة من اسئلة ال IQ اسئلة English فى ال grammar و الvocabulary و اسئلة منطقية و اسئلة حسابية هتلاقى مرفق امثلة منها تم رفعها من قبل بواسطة الاعضاء TNT_96free_eypt

بكرر .. الاسئلة دى عشان تفهم منها شكل الامتحان بييجى ازاى و تفهم فكرة الاسئلة .. مش عشان تدخل مستنى تشوفها بالنص

فى ناس بتسأل هل فى اسئلة محاسبة و كدا؟
لأ خالص

هل اسئلة الانجلش صعبة و لازم ابقى متمكن فى الانجلش؟
ايوة .. لازم اللغة تبقى قوية عندك

دى جملة قالها العضو bassem_411
(((الامتحان الي بجد بقا الانجليزي وده بتاع 70 سؤال في 60 دقيقة حتلاقوا شوية منه في الامتحانات الموجوده هنا الي هما الاختياري بتاع 10 او 15 واحده بس ارجع اقول تاني اهم حاجة الجرامر ده جزءمن الامتحان بحس ان محدش بيتكلم عليه مع انه بتاع 15 سؤال وهو معظمه بالسينس العالي بتاعك تجيبه)))
السينس يا جماعة مهم جدا .. عشان الجرامر مش حفظ rules و بس .. لازم تكون بتسمع انجليزى كتير .. ولو حتى فى التليفزيون .. عشان تعود نفسك على النطق و السماع و تكسب السنس ده .. لأنه هيفيدك فى اى حتة مش فى البنك بس.
فى قطعة فى الامتحان نقلها لينا العضو ahlamasr اهيه
القطعه بتتكلم عن واحد اسمه جورج ميشيل دة واحد من اصل يونانى وهاجر مع والدهوالدته الى تكساس فى امريكا وكان والده ووالدته تعليمهم متدنى وكان جورج هوه والداهنفسهم يتعلم تعليم عالى وجامعى .........المهم عمنا جورج دة دخل كلية هندسة بترولوتعدين واتخرج وبعد كدة على طول شارك فى الحرب العالمية التانية عام1946 وبعد ماخلص الخدمة العسكرية اشتغل فى مجال هندسة التعدين واشتغل فى شركة -بس مش فاكراسمها- المهم بقي شريك فى الشركة والشركة اتحول اسمها الى(شركة جورج للتعدينواستخراج البترول) على ما افتكر وبعد كدة بقي رئيس جمعية خاصة بقطاع البترول عام 1970وبعدها سافر على بلد وعمل فيها مركز ابحاث و8 جامعات خاصة بالابحاث العلميةوالجولوجية.....................
الاسئلة بقى على القطعه:

1-

كان جورج يريد انيتعلم تعليم عالى لماذا؟؟

ا-لان وابواة كانا تعليمهم ضعيف
2-لان هوه وابواهكانوا ياملون ان يتعلم تعليم جامعى
3-لانه كان من اصل يونانى
طبعا الاجابةموجود بالنص من القطعه والاجابة رقم2



2-من خلال فهمك لقصة جورج -حاليا- هلهو؟
1-صغير السن
2-شاب
3-كبير السن
الاجابة الصحيحة اكيد 3 (كبير السن) لانه اصلا شارك فى الحرب العالمية التانية يعنى دلوقت زمانه ميتهههههههه



السؤال التالت والاخير
3-جورج اشتغل فى شركة بترول بعد تعليمةالجامعى كان سنة كام؟
1-1970
2-



مشتغلش اصلا

3-1946
طبعا الاجابة رقم3 (1946) لانه خلص الخدمة العسكرية فى الحرب وبعدها اشتغل فى الشركة مهندس تعدين

الجزء الثالث

اسئلة IQ معتمدة على الvisual ability
يعنى مش زى الIQ بتاع الاسئلة الحسابية و المنطقية
ده عبارة عن اشكال و انت المفروض تكمل الشكل الناقص و مدته نص ساعة
و ده موقع فيه اسئلة شبيهة جدا بأسئلة الامتحان .. الموقع ده نقله لينا اعضاء زىahlamasr و free_egypt و اعضاء تانى كتير http://www.iqtest.dk/

الاسئلة فى الجزء ده زمان كانت بتبقى فى ورق لكن دلوقتى سحبوا الورق ده scan و بقى على الشاشة
و بكدة انتهى الامتحان و يا رب يوفق الجميع للنجاح ان شاء الله




FAQ




انا مش خريج تجارة .. ممكن اقدم؟
ابعت على الميل و هما لما يشوفوا الايميل يقدروا يقرروا .. انت المهم تبقى عملت اللى عليك و حاولت

هما بياخدوا تجارة انجلش فقط؟
لا مش شرط خالص .. لو عربى بس الانجلش بتاعك حلو و عديت من الامتحان يبقى ايه المانع

بقدم كتير و محدش اتصل بيا؟
قدم تانى و تالت و رابع
ظبط الcv عشان يبقى جذاب و مكتوب بطريقة صحيحة
زود كورساتك .. اشتغل مؤقتا فى مكان تانى خد منه خبرة ...

هل بياخدوا حديثى التخرج فقط؟ ولا خبرة؟
بياخدوا الاثنين .. بشرط تعدى الامتحان و الانترفيو

هل ممكن اروح الامتحان منغير ما يكلمونى؟
فى ناس عملت كدا و نفعت معاهم .. انا شخصيا مجربتش ده .. و الحقيقة معرفش ازاى الموضوع ده تم؟ اصل انت لما بتدخل تقعد على كمبيوتر بتختار اسمك من list قبل ما تبدا الامتحان .. بالاضافة ان الموظف معاه ورقة فيها اسامى الناس اللى كلمهم عشان الامتحان و بينادى على واحد وحد يتاكد انه موجود
ده موضوع للعضو Egypt_fiancee هيفيدك لو حابب تروح منغير ما حد يكلمك https://dvd4arab.maktoob.com/f677/2350152.html

انا عايز اقدم على position معين .. اعمل ايه؟
فى صفحات الapplication فى سؤال بتكتب فيه رغباتك
3 رغبات .. تكتب فيها حسب الترتيب اللى انت عايزو

طيب هى ايه الوظايف فى البنك؟
ده رد من العضوة و المشرفة جهاد
بالنسبه للنيو ستاف اللي بيبقي من غير اكسبرينس
دول الاغلب
انا فالابليكيشنبتاعتي كتبت كريدت وكستمر سرفس و audit



في بردو الكريدت
بس لازم يمتحنوالجمات الاول
في بقي الادارات
زي الaudit المراجعه او التفتيش
cards



اصدار الكروت بانوعها ونتابعتها


operations



اللي الكستمر سرفيس ربريسنتيتيفبيبعتلهم ف الهيد اوفس عشان يتقفل الشغل


crm (credit risk management )

الcall center بتاع البنك وده كويس عاوز انجلش كويس ولباقه
وفي الit
وفي ال admin اللي هيا الشئون الاداريه



وعن الادارات في الhsbc
حدثولا حرج
بس معتقدش والله اعلم انه ينفع للنيو ستاف الا لو جاي من بنك تاني مثلاوعنده اكسبرينس ..وبقول والله اعلم
انا بضيف بس وظيفة ال teller

اعرف منين انا نجحت فى الامتحان ولا لأ؟
بعد الامتحان باسبوع اتصل برقم الاتش ار 25298446 و حط 02 لو متصل من برة القاهرة
قولهم انا امتحنت اليوم الفلانى اسمى كذا
هما مش هيردوا عليك على طول ممكن تفضل ترن عليهم ايام عقبال ما يردوا .. حاول كتير

اللى بيتقبل هو اللى جايب كام؟
النجاح بالنسبة للستاف محتاج سكور عالى .. يقال 95% و الله اعلم
بالنسبة للسيلز السكور اقل .. يقال 80% و الله اعلم

اتصلت بيا واحدة و كلمتنى انجلش و بتقوللى عندى امتحان HSBC فى القرية الذكية؟
ده بقا موضوع تانى .. ده معناه انك قدمت على الايميل ده aya.farrag@hsbc.com
ودى ادارة تانية خالص اسمها HSBC Electronic Data Service Delivery
ليس لها علاقة ب HSBC المعادى و عملية ال hiring فيها مختلفة عن اللى انا شرحته
و دى شغلها فى القرية الذكية فقط و اغلبه call center
دى مشاركة مفيدة للعضو mohab89
HSBC القرية الذكية فرع جديد و محتاج ناس كتير اوي وانا هناك بقالي اسبوعين وبيعملوا انترفيوز علطاول وعايزين دلوقتي RCC w Collection



الفرع ده معمول علشان متابعة العملاء بتوع HSBC gulf area و HSBC London w France وفروع تانية تابعة لاتش اس برة



البنك عامل شركة اسمها GSC Global Customer Service وهي مملوكة بنسبة 100 في المية للبنك وحاليا هما مركزين في الكولسنترو الكولشين لكل فروع HSBC برة



ربنا يوفقكم انشاء الله وبالنسبة للتقديم قدموا علي ميل اية على طاول علشان دي الاتش ار قرية ذكية او قدموا علي الموقع الاوفيشل وان شاء الله ربنا يكرمنا جميعا


هل ممكن اقدم هنا و هنا؟

اه ممكن تقدم فى الاتنين و تمشى فى اجراءات الاتنين كأنهم مؤسستين منفصلتين


بكدة الموضوع انتهى يا جماعة .. انا عارفة نى مجبتش جديد عن الكلام الموجود فى المنتدى بالفعل .. لكن يا رب اكون قدرت اجمعه فى مكان وحد بشكل يسهل على الاعضاء الجدد او المقبلين على امتحان .... شكرا و بتمنى التوفيق للجميع

الامتحان المرفق ظاهر للجميع .. ليس من الضرورى وضع رد عشان تشوفو .. ممكن لو الموضوع عجبك تدعيلى فى سرك مش اكتر



يمكن أنا مش جديد هنا فى المنتدى .... بس لسة جديد فى القسم الرائع ده
و عشان كدة حبيت أبدأ مواضيعى هنا بــــ .................

------------------------------------------------------
[size=32]HSBC ExaM


واللى يعتبر أول و أهم خطوة للقبول فى البنك ده
[/size]














الموضوعالأصلي : HSBC ExaM المصدر : منتديات وجدة للنجدة الكاتب:smile_in_life



توقيع : smile_in_life










  






الــرد الســـريـع
..



الذين يشاهدون محتوى الموضوع الآن : 20 ( الأعضاء 3 والزوار 17)






تعليمات المشاركة
صلاحيات هذا المنتدى:
لاتستطيع الرد على المواضيع في هذا المنتدى

BB code is متاحة
كود [IMG] متاحة
كود HTML معطلة




Powered by vBulletin® Version 3.8.7
Copyright ©2000 - 2012, Jelsoft Enterprises Ltd
صاحب الموقع : DeRRaZ BouJemAA
© phpBB | منتدى مجاني | منتدى مجاني للدعم و المساعدة | إتصل بنا | التبليغ عن محتوى مخالف | انشئ مدونتك